أنا وفستان / جعفر

هذه الخاطرة كانت المعركة الفاصلة
بيني وبين غريمي ...


فســـــــــــتان


بيني ... وبين نهــودها .... فســــتان
واقف ع تمّ النــهد مســــــــــــتني

معربش على رخام الصـّـدر نيشــان
بيحمي النـّهد من غضــبــتو ... ومـني

متل الكأنّو من الحلا نعــــــسان
ما احلا النّعس عا جدايلك حِنّي

وناوي عليي نيـــــــة الحردان
وعِنّي يا أيّام الحلا ..... عِنّي

***

عا فتحة الصـّـدر انفتح عـــنوان
يّعْـــيون مـني ... طـلـبي وتمـــني

تمسّـــــك على كتافا بجــوز خيطان
يا ريت بقطعـــهن أنا .... بســني

وماسك على سـفح النهـــد .. منشـــــان
يســبح على خصـــرا .... ويجننـــي

وفوق الركب ... مفـلوش ع السـيقان
مفلفش عليها برقــــــة وبحــنـــــــــة

لا كان يتزحزح معي ... ولا كان
يطلع ويهرب من ســــــــــما ظني

لا بيفلت عليّي ملـــــــوك الجـــــان
ولا بيــترك النــــــــــــظرات تتـهنّي

***

مضبضب على كم معجزة ... وتعــبان
وكـــلّ وحــدة .... فيه لها رنـــــّـــــة

واقف قـــــبالي ملبّك وحــيــــــــــران
متقاســــــــــــــــــمين الآه والـعـــنة

***

قلـبي على نبع الصــدر عطشــــــــــــان
ولولاه كنـــــــت بغــــبّ ..... وبـتـني

وهوي ع جسـما من الوهــــــج تعبـان
وخايف عيوني تمـزقوا ع الـحــــــــــلّ
وتـنـتـفـو ..... وتـفــوت ع الجنـــــــــة

***


محبتي
جعفر

يبدو أنو كل الناس خايفين من الفستان
معليش هوي بيخوف
وهيدي عركة بيني وبينو

المهم تتفرجو عالعركة.

محبتي
جعفر

بوصفك لهالحلوة ولهالفستان
حيران بين النار والجنة

خايف خطيئة تزحزح الايمان
ونصبّغ الشيبات بالحني

ومن الحلا بعيونها هيمان
مابين جيد ونهد متمني

سنسال كون يعانق النهدان
وشال على خصر وعن هالعنة

وموجة ببحر عيونها وشطأن
ودمعا عاخد الحزن مستني


اخي جعفر

اعذر هذيان حرفي امام روعة وشموخ حرفك

المموسق بلحن الغرام في قلوب مفعمة بالحب

والهيام ايها العاشق الوله


تقديري واحترامي


مع حبي
يوسف

الخوف من الفستان يا يوسف
شي مش طبيعي

المهم !!!
شكرا الك يا غالي
راجعلك بمقاطع تليق بيك

محبتي
جعفر

شو هالفستان ولوووووووو

يخرب ذوقا ليش هيك لابسي

حتى خلت شياطين الشعر عند الشاعر الكبير جعفر حيدر يجنوا

قصيدة جميلة أستاذي الكبير وأعتذر عن التأخر بسبب نزلة برد

رح ثبتها حتى يشوفها ويقراها الكل

تحيتي واحترامي لشاعريتك

اقتباس المشاركة الأصلية كتبت بواسطة جولييت بدر شو هالفستان ولوووووووو يخرب ذوقا ليش هيك لابسي حتى خلت شياطين الشعر عند الشاعر الكبير جعفر حيدر يجنوا قصيدة جميلة أستاذي الكبير وأعتذر عن التأخر بسبب نزلة برد رح ثبتها حتى يشوفها ويقراها الكل تحيتي واحترامي لشاعريتك

يا برد !!! مين العازمك قبلي
تعمل على جولييـــتنا نزلة

نقي اشتهي غير الشعرها ... صيت
تفضـــل ... إذا بدك على المتلي

تفضـــل رح افتح لك إذا حبيت
بواب الصـــدر جواتـها تِغْلي

تروك الحلا ولا تمر صوب البيت
بيت الشــــِّعرها غلة الحقلة

***

يا برد حــاجي معلق بجولييت
يا بتتركا يا بنســــــــفك قتلة

وخليك تصرخ .... يا بشر ياريت
ماجيت صوبا هيك بالعجلــــة

شو بدك بأخت البــــدر تاجيت
تمنع شـــعرها يفلش الفستان
ويعمل على أرض الزجل وصلـة


محبتي
جعفر

خجلان متلك أدخل الجني
ومحتار عا أيا صدر غني
فساتينهن ماكان الها زرار
ولا كان فيني اخطف العّني
بس كان فيني طّلع الأشعار
وخلي النهد ناطر ومستني
تكبر معو حكاية الأسرار
اسرار حور بيعرفوا اني
بسرق عتيق الخمر والخمّار
وبرقص ع جمر الصدر متهني
شاعرنا الكبير استاذ جعفر
سمحت لنفسي أن اكتب بذيل رائعتك
دمت ودام لكَ التألق

اقتباس المشاركة الأصلية كتبت بواسطة حيان حسن خجلان متلك أدخل الجني ومحتار عا أيا صدر غني فساتينهن ماكان الها زرار ولا كان فيني اخطف العّني بس كان فيني طّلع الأشعار وخلي النهد ناطر ومستني تكبر معو حكاية الأسرار اسرار حور بيعرفوا اني بسرق عتيق الخمر والخمّار وبرقص ع جمر الصدر متهني شاعرنا الكبير استاذ جعفر سمحت لنفسي أن اكتب بذيل رائعتك دمت ودام لكَ التألق

حيان .. يا حيــــــــان ... تاج كبير ...
شـــــــعرك على راس الشعر والحب

بالعشــــق ..... أنتا قيس .. أنت الزير
البلعشـــق ... والعشــــاق نازل غب

منــــّــــور أنت عا صفحتي تنــوير
بكلمـــــــاتك النـزلت عليي هيك
ســـــــبحان الله ... متل وحي الرب

محبتي ياغالي
جعفر